Inunngorfik sumilu innuttaasuuneq
Ukiut amerlavallaanngitsut qaangiuttut matuma siorna Kalaallit Nunaanni innuttaasut taamaallaat 1 procentii nunani allani innuttaapput. Titartakkami 3.1-imi takuneqarsinnaavoq ukiut tallimat kingulliit ingerlaneranni tamanna allanngortoq. Ukiuni taakkunani nunani allani innuttaassuseqartut amerlassusaat 83 procentinik annertusisimavoq.
Titartagaq 3.1. Nunani allani innuttaasut amerlassusaat. 1977-2015
Najoqqutaq: Naatsorsueqqissaartarfik
Innuttaasut pillugit paasissutissalerinermi inuttaasut misissoqqissaarneranni Kalaallit Nunaata avataani inunngorsimasut aammalu Kalaallit Nunaanni inunngorsimasut immikkoortinneqartarput, agguaqatigiissitsinernimi pissutit ersernerlulersinnaanerat peqqutigalugu taamatut immikkoortitsisoqartarpoq. Inuit Kalaallit Nunaata avataani inuusut 1980-imi 18 procentiusimapput 2015-imi 10,7 procentiinnanngorsimapput.
Takussutissiami 3.1-imi innuttaasut 1. januar 2015-imi amerlassusaat takuneqarsinnaapput, angajoqqaajusut namminerlu inunngorfiit aallaavigalugit. Takussutissiami takuneqarsinnaavoq, 49.975-it imaluunniit innuttaasut 89,3 procentii maani nunatsinni inuusimasut.
Takussutissiaq 3.1. 2015-imi innuttaasut amerlassusaat, angajoqqaat namminerlu inunngorfimmut immikkoortillugit
|
|
Angajoqqaat inunngorfii |
Angajoqqaaq ataaseq Kalaallit Nunaanni inunngortoq/ Angajoqqaap aappaa |
|||
Meeqqap inunngorfia |
Katillugit |
Kalaallit Nunaanni |
Kalaallit Nunaata avataani |
Paasissutis-saqanngit-soq |
Kalaallit Nunaanni |
paasissutis-saqanngit-soq |
Katillugit |
55.984 |
34.838 |
731 |
10.809 |
9.314 |
292 |
Kalaallit Nunaanni |
49.975 |
34.374 |
324 |
6.530 |
8.642 |
105 |
Kalaallit Nunaata avataani |
6.009 |
464 |
407 |
4.279 |
672 |
187 |
Najoqqutaq: Naatsorsueqqissaartarfik
Takussutissiami innuttaasut angajoqqaajusut inunngorfiinut immikkoortiter-nikuupput. Inuit 44.444 (34.374 + 9.314+292) tassa innuttaasut 79 procentiisa angajoqqaavisa arlaat Kalaallit Nunaanni inuusimasuuvoq. Innuttaasut sisamararterutaat inuit nalunaarsorsimaffiini angajoqqaavisa sumi inunngorsimanerat pigineqanngillat. Tamanna peqquteqarpoq angajoqqaajusut inuup normua atorlugu nalunaarsuiffimmi pigineqannginerannik, tamanna peqquteqarsinnaavoq, Kalaallit Nunaanni Danmarkimiluunniit najugaqannginnerannik imaluunniit ukioq 1968 inuup normua atorlugu nalunaarsuinerup aallartinneqarnera sioqqullugu toqusimaneranik pissuteqarsinnaavoq.
Takussutissiaq 3.2. Innuttaasut annertuumik kinguaariinikkut Kalaallit Nunaannut attaveqartuusut.
|
|
Angajoqqaat inunngorfii |
Angajoqqaap aappaa Kalaallit Nunaanni inunngorsimasoq |
|
|
Katillugit |
Kalaallit Nunaani |
Paasissutissa-qanngitsoq |
Angajoqqaap aappa Kalaallit Nunaata avataani inunngorsimasoq |
Katillugit |
50.974 |
34.838 |
6.530 |
9.606 |
Kalaallit Nunaanni |
49.651 |
34.374 |
6.530 |
8.747 |
Kalaallit Nunaata avataani |
1.323 |
464 |
- |
859 |
Najoqqutaq: Naatsorsueqqissaartarfik, http://bank.stat.gl/benaao3
Kalaallit Nunaanni inunngorsimasup angajoqqaavi marluullutik sumi inunngorsimanersut nalunaarsimanngippat, Kalaallit Nunaannut kinguaariinnerup tungaatigut attaveqartutut naatsorsuinermi ilanngunneqartarpoq. 1. januar 2015-imi Kalaallit Nunaanni kinguaariinnerup tungaatigut attaveqartutut inuit 50.974-it naaatsorsuutigineqarput. Tassa inuttaasut 90 procentii, takussutissiaq 3.2 malillugu. Tamannalumi nikingavallaanngilaq innuttaasut ataatsimut isigalugit kinguaariinnerup tungaatigut attaveqartuusut (91 procent) Kalaallit Nunaanni inunngortunut (89 procentinut) naleqqiullugit.